"Strengthen your mind to overcome: overeating (Pidgin)"

How you go Strengthen Your Mind To Overcome: Over Eating

Overeating dey happen when person continue to eat pass em belle full level .  One trademark of overeating na to chop wen we nor hungry.  People fit overeat as way to process strong, hurtful emotions like wen dem dey deal with past trauma, psychological disorders like depression, present difficult situations, heartbreak, low self-esteem, and more. 

You fit don try to overcome this habit, but you go find out say you dey go back to the old pattern of overeating. Since some times overeating habits dey tied to our minds, na good idea to strengthen your mind to overcome overeating.
 
some techniques wen you go try:

Identify your feelings around food 

Emotional eating na one of the major causes of overeating and if you identify the emotions wen dey tied to this behaviour e go dey helpful. How you dey feel before you eat? you dey eat to overcome strong emotions like anger, heartbreak, betrayal? 

How you feel after each episode?  Begin write down the emotions and situations . Identify the patterns wen appear pass m. You dey eat when you get stressful day? Or when your self-esteem low? you feel relieved after you eat? Happy? Comforted? Once you don do this one you fit work on how you go resolve these emotions for healthier manner.
 
Reduce distracted eating
Most episodes of overeating nor be cos of emotions, e dey happen wen 
we dey bored or distracted. You go plan say you wan chop small snack while you dey watch tv, work for computer, read or bored and nothing to do, and before you know, you don clear the entire tin of biscuits or clear the fridge. 

Research don show say we dey eat more when we dey distracted than when we dey focused on our food. Before you decide to snack, ask yourself if you really dey hungry or you just wan eat because you dey bored. If you nor dey hungry, try to redirect your attention go anoda place. 

Try knitting, beading, sewing, while you dey watch tv . Or try activity wen go require your full attention like painting, drawing, dancing, etc. You fit also switch to healthy snacks like fruits to snack on but nor over eat am and avoid to dey stock candy, chips, and other sweets. This step go require self-discipline but e dey give good results.
 
Try to reduce stress
High stress levels fit give you headaches, acne, and make you overeat. When our stress levels high for long period of time, the body go produce wetin dey increase appetite and this one go lead to increased feeling of hunger wen go come make you overeat.
Some simple tips to take help reduce your stress levels na meditation, practicing yoga, exercising, listening to music, and spending time on your hobbies.  
 
Talk to a professional
Overeating can lead to binge eating disorder (BED).  BED na common eating disorder wen person go dey repeat episodes of overeating and e go dey accompanied by loss of control and significant distress over the behaviour, but added behaviours like vomiting, excessive exercising, or laxative misuse nor go dey .

If you dey feel ashamed and guilty after each episode and you nor fit remember wetin happen or wetin you eat, you suppose consider to follow professional talk. 

Conclusion
Overeating fit dey difficult to identify and resolve, mostly because e don become unconscious action. You nor go even notice say you dey do am , especially if you don pair am with other activities. Make you take note of the emotional triggers wen dey prompt you to eat, stock healthy snacks, eat small small and dey aware of wetin you eat. 
Follow professional or loved one talk if e don get as e be or if e don dey too difficult to make the necessary changes by yourself.