Your Health dey your Mind: How your Mental Health Take Dey Affect you
Optimal health na state of total physical, mental, and emotional wellbeing. Your mental health dey play important role for how you dey act, think and feel. E dey directly affect your behavior, mood, how you dey handle stress, and even the decisions wen you dey make. Mental health dey mostly dey neglected and em role dey underplayed wen we dey talk about health. This na mistake because we nor fit achieve total wellbeing if mental wellbeing nor dey present.
Most people dey feel say the mind and body na separate entities. Na the reason, mental illnesses nor dey get the same care wen physical diseases dey get.
The truth be say your mental health fit directly affect your physical health.Research don show say if you get physical health problem e fit increase the chances of say you develop mental health disorders and vice versa. A lot of people wen dey live with chronic physical health condition get mental health disorder, the one wen dey common na depression and anxiety.
Plenty studies don show say people wen dey live with mental illnesses like depression or schizophrenia, dem dey live shorter lives pass people wen dey free from these illnesses. Because illnesses like depression dey increase person risk to develop chronic diseases like heart diseases, diabetes, and stroke. Likewise, if you dey live with chronic conditions like heart disease e fit make person dey more likely to develop mental health condition.
These links between chronic diseases and mental health disorders like depression don dey associated with poor physical health care. The Mental Health Foundation don talk say people wen dey live with these mental illnesses dey less likely to undergo routine medical checks wen for fit diagnose physical health conditions quick. Scientists also dey say people with mental disorders dey less likely to seek out medical help for physical symptoms wen dem fit dey experience.
Plus, people wen dey live with mental illness mostly don get overall poor quality of life already. This one don dey associated with low self-esteem and confidence, feelings of loss of freedom, and sense of hopelessness.
Another positive association dey between mental health and physical health. Physical activities like exercising get many benefits for person mental health. Regular exercise don dey linked to improved mood, lowered anxiety levels, reduced stress levels and enhanced general wellbeing. Healthy diet dey ideal for good physical health and e also good for your mental health. Diet wen get whole grains, fruits and vegetables, and lean meats fit help mental health conditions like anxiety, depression, and panic disorder.
Your mind dey work with your body
Your health and mental health, must dey protected at every stage of life. to recognize the direct link between your mental and physical health go help you make better health decisions. Even though say we nor fit see mental illnesses,we fit feel em impact , and nor be only for our mind but physically as well.
