WHY OUR HAIR DEY TURN WHITE.
Aging na process wen everybody go love to delay or even suspend if dem giv dem the opportunity. Na stage of life wen nor dey sweet many people belle .
Na d reason wen dey make people shock wen dem see grey hair. Even one strand dey enough to make some people dey uncomfortable .
A little hair science
Every strand of hair dey made up of two parts, the shaft, and the root. The shaft na the part wen we see, and the root dey attach the hair to the scalp.
The root dey also surrounded by hair follicles, and e contain cells wen dey produce melanin, pigment wen dey also present for our skins, and e dey responsible for black hair and complexion.
As time dey go , as we dey grow older, the cells go dey die small small , and due to the amount of melanin for the strands don reduce dem go eventually turn grey or white.
This process go continue until all the hair follicles lose their melanin, and e go result to full head of grey hair.
Aging and grey hair
Even tho say aging na the commonest cause of grey hair, young people still dey notice say dia hair dey turn grey, cos genetics dey play important role to determine wen person hair go begin to change.
Studies don show say if the hair of your parents or grandparents turn grey quick, high chance dey say you go get your own early too.
White people dey quick get grey hair pass black people because dem get less melanin and unlike white people wen fit start to show signs of grey hair around 30, many blacks fit reach dia 40s or 50s before their hair start to turn grey.
Other factors wen dey contribute to greying
1. Vitamin B12 deficiency: Vitamin B12, dey naturally found in animal products like meat, eggs, and dairy, and e dey contribute to the nourishment of the hair follicles. If deficiency of this vitamin dey e go lead to increased hair loss and premature greying.
2. Vitiligo: This na autoimmune condition where the body immune system mistake em own cells for enemy and attacks em self . During the 'attack', destruction of the cells wen dey produce melanin go happen . Loss of these cells go cause the hair to lose em dark colour.
3. Thyroid Disease: This disorder, weda na hypothyroidism or hyperthyroidism, fit make the hair brittle, dull, and dry, increasing hair loss.
Debunking myths about grey hair
Stress dey cause grey hair: This one nor be true . Stress fit, make person to lose hair faster, cos stress dey trigger condition wen dey result to hair loss and e dey about three times faster pass usual. Wen dis one happen for middle-aged people, higher chance dey say the hair wen go grow back go be grey.
Plucking grey hair go make am grow faster: This one nor be true , as the strand remove e go simply dey replaced by another grey one.
Na sign of wisdom: This one na old wives' Fabu , e nor dey true. People dey talk this one because of the association between grey hair and old age, as dem believe say older people dey generally wiser.
Summary
Grey hair dey commonly gapped as person dey old. People fit get grey hair quick, especially if dem dey genetically predisposed. Some disease conditions fit also cause early greying.
