“Sitting Disease”: The Health Risks of Prolonged Sitting
If you siddon for long hours e go make you spend less energy pass the one wen you dey consume, and the excess calories go come dey stored as fats. When fat accumulates for your body for unhealthy amounts, e go result to obesity, wen dey put you at risk of many diseases including diabetes, high blood pressure, heart disease, stroke, and arthritis.
No matter how you busy reach wen you siddon tey , dem dey count am as physical inactivity. This kind everyday siddon for one place lifestyle fit put you at risk to developing some types of cancers.
Blood for our leg veins dey usually pump up go the heart by activity of our leg muscles, and if we siddon for long hours e fit nor allow am pump. This one go come make blood thick and gum together wen e dey flow slowly and e fit cause am to clot. If this clot break off and travel up go reach the lungs, e fit block off oxygen delivery to the blood, and the rest of the body within minutes. If dem nor treat am on time, the person fit die within minutes. This na the reason some people dey develop blood clots on long distance flights. On and off walking dey recommended if you dey long flights.
Wetin You Go Do:
Now wen you don know the health risks wen too much siddon for hours, how you go take cut down on the number of hours you go spend take dey siddon ? The secret na to GET ACTIVE:
If you don siddon for one or two hours, take walkng break
Engage in at least 30 minutes of moderate exercise every day
Organize walking meetings or phone calls. You get friend wen like to talk for hours for phone? Well, arrange “phone-walk” with them.
Take the stairs instead of lift
Waka or use bicycle go work sometimes
Waka go your colleague’s desk instead of make you send dem text or mail
For some, businesses dey reopen and na back to work; for others, remote work dey continue. Anyone wen e be for you, remember to GET ACTIVE!!
