Health benefits of walking (Pidgin)

Walking go look like say e be very simple activity, and many of us nor dey recognize how important e be .
You fit dey think say you dey waka enough; but, studies don show say a lot of people dey waka fewer steps than recommended.

Walking na simple, yet excellent way to improve or maintain your health.
E dey considered the best form of exercise for the elderly, people wen dey overweight, or those people wen neva exercise for long time.
E dey beneficial to people of all ages, e dey help prevent some diseases, and even improve the general quality of your life.
 
 
WETIN BE SOME OF THE HEALTH BENEFITS OF WALKING?

● E dey Improve Heart Health: if you dey go on regular walks e go help to decrease the risk of heart conditions and stroke. Walking, don show say e dey reduce the risk of serious heart diseases by up to 19%. How e take dey do am na say e dey strengthen the heart muscle and lower blood pressure.
 
● E dey Control Blood Sugar: fast walking dey help to lower your blood sugar level and improve how well your body dey use insulin, wen be problem for people with high blood sugar. If person waka small after e chop finish e go help reduce blood sugar levels.
 
● E dey Help Maintain Healthy Body Weight: 
People wen dey overweight fit benefit from walking. This physical activity, if dem do am for about 30 minutes everyday or on most days, na very effective weight loss technique as e go help burn calories. regular waka dey also make sure say the new weight dey maintained.
 
● E dey Improve Mental Health: Walking, especially when you do am outside, dey positively impact person mental health. Walking for parks and through nature don show say e dey boost creativity. The increased flow of blood to the brain and body dey decrease stress levels and fit also improve sleep. E dey also decrease anxiety, depression, and boosts self-confidence.
 
● E dey Decrease Joint Pain: People wen dey suffer from arthritis fit benefit from walking, as e go help to protect the joints and strengthen the muscles wen dey provide support to the joints.
 
● E dey Improve The Body Immunity: People wen dey waka regularly, go get decreased risk of falling sick and wen dem sick, dia symptoms dey less severe.
 
● E dey Increase Your Energy Level: If you dey tired and you need quick energy boost, going for a walk fit help energize you as this activity dey increase the release of hormones, wen dey boost energy levels.
 
WETIN BE EFFECTIVE WALK?
Any type of walking fit get positive impact on your general health. But, some recommendations dey to help you make walking more effective. Fast walking or power walking for about 30 minutes per day or on most days dey most effective to help improve your health and maintain good health.

For brisk/fast or power walking, you fit talk comfortably, but you suppose find am difficult to sing. If you fit sing while you dey waka, den that your walk nor dey brisk. If your goal na to lose weight, more calories fit dey burned wen you dey walk up a slope than on flat surface.
 
SUMMARY
Walking na activity wen we fit add out for our daily lives. Inactive lifestyles don contribute to plenty chronic illness and deaths. 
The body require activity, and walking dey provide wide range of health benefits. During bad weather, you fit waka indoors for treadmill. To get the best experience, prepare yourself well wear shoes with good foot support, wear comfortable clothes, and stay hydrated. Also, nor forget to wear sunscreens, and waka for areas wen dey safe and where vehicles fit easily see you.