SIMPLE TIPS TO TAKE PREVENT MALARIA
Malaria still dey kill hundreds of thousands of people every year for the continent, especially for subSaharan Africa. During the pandemic, public health experts put measures to take control transmission of the virus, including social distancing, hand washing, use of face mask, and for extreme cases, lockdowns. But prevention of malaria requires simpler approach wen dey often neglected.
But first, why malaria dey regulary occur for Nigeria and other tropical countries?
The reason dey simple, mosquitoes dey survive for the tropical forest, and temperate climates nor dey support the growth and reproduction of mosquitoes, wen dey carry the malaria parasite. The malaria parasite go cme dey transmitted to humans wen the mosquitoes bite the human.
How we go take prevent malaria?
The old and simple method of say we keep our environment clean still dey as effective as e dey wen we first hear am.
If you Keep your environment clean you dey kill all mosquito hideouts and breeding areas wen dey around you.
You fit don already know say remnants of rainwater or other sources of water wen we leave for containers dey serve as breeding ground for mosquitoes.
As one of the simple measures to prevent malaria, e dey advisable to look out for all dede kind rubbish around the house, empty dia water and throwwey the containers.
This one go drastically reduce mosquito breeding grounds and reduce the spread of malaria.
To keep the environment free of bushes and pools of stagnant water get importance during the period of wet or rainy season. The rainy season dey favor the breeding of mosquitoes, dis one go explain why malaria dey spread during this period.
• Most households dey boast of window nets but shey dem dey remember to check am weda d window nets tear? Make sure say you put nets for your windows, and check the net wen dey before for any damage or break; these one fit be the access points of mosquitoes to your house.
• Insecticide use dey also critical to reduce the spread of mosquitoes. But insecticides dey come last for malaria prevention simply because if you effectively apply the other simple measures to keep your environment free of bush and stagnant water, fix window and door nets wen don, and control the access of mosquitoes into your living area, you go need very little insecticide to stay free from malaria.
In fact,if you go the extra mile say you make sure say you sleep under insecticide-treated net e go further reduce your need to spray insecticides. And, you know say we don get malaria vaccine?
Take-home message: malaria dey happen regularly for the tropics and e don kill hundreds of thousands of people for the region every year. Yet, simple measures like the ones wen we don talk about for here fit help prevent malaria. Do the right things today; take simple steps to beat malaria today!
