How much water is too small or too plenty ?
E nor get as we wan do am water, na life, and e dey essential to clear wastes from our body and boost how organs go function well. But how you go take know if you dey miss the mark for your water wen you dey drink?
E dey important to know say you fit drink water wen too small or too much water; you go surprise to find out say that water fit too plenty for the body. E dey possible to get dehydrated if you drink water wen nor reach and overhydrated if you drink water wen too plenty.
Tips wen go help you know weda water too small or too plenty :
How I go know say i nor dey take enough water?
E get signals wen go dey sent by the body to inform us say time don reach to increased water intake. We nor suppose wait for these signs before we drink water. Some symptoms of dehydration na:
Thirst
Headache
Dry mouth
Change in urine colour (dark yellow)
Muscle cramps
Decreased production of urine.
Dry skin.
Shey e dey possible to sick from too much water?
The general rule say make you take about 6 cups of water na mostly for healthy people. E dey possible to get excess of water if you get some medical conditions like problems with your kidney, liver or heart or if you dey take some medications wen dey make your body to keep water e.g. NSAIDS (ibuprofen, diclofenac) and some antidepressants.
Water intoxication for person wen dey healthy dey rare. When e happen, you fit experience headaches, dizziness, swollen feet and face, and confusion.
If you get medical condition wen dey make you worry or dey confuse you about the required water wen you suppose take, den e dey advisable to check with your doctor for am to give you guidance.
How much water person dey expected to drink per day?
even tho say the popular belief na say person gats drink about 3L of water per day, the amount of water wen dey needed daily to stay healthy and hydrated go depend on your height, weight, body metabolism, and daily routine. So therefore, your daily water intake nor suppose be like the next person own na all man for emself.
The center for disease control and prevention (CDC) don talk say recommendation of how much plain water adult suppose take nor dey.
To stay hydrated nor be just by say you take plain fluids. You go find water for vegetables, fruits and foods wen dey rich in water .
Excess sugary drinks like sodas nor dey usually advised cos dem fit worsen dehydration. Dem don also show say dem dey cause weight gain and inflammation for the body. E dey also increase the risk of say you develop Diabetes. Too much caffeine go make person dey shake shake and e fit lead to poor sleep. Alcohol nor also dey recommended as choice of fluid.
E dey advisable to drink fluids throughout the day. Make you practice to take drink with meals.
While no strict rule dey on the amount of water person suppose take, dem don estimate wetin dey make up adequate water intake. This na the total amount of water from all sources wen dey expected to dey consumed by adults wen dey dthe age of 19 and 30 years: about 3.7L for men and 2.7 L for females. Pregnant females go require extra 0.3L and breastfeeding mothers, extra 0.7-1.7L.
The benefits of drinking water nor dey end. Without enough fluids for your body, you nor fit survive. Studies don show say deprivation of water go cause more katakata than food deprivation. This one mean say person fit survive for longer time without food pass without water. To drink water nor dey overhyped and to make conscious decision to dey do am na good and commendable health practice.
