Debunking common Myths about contraceptives.
To understand birth control and how the many methods of contraception dey work e fit empower women and their partners so dat dem go take control of their health and plan dia family sizes.
Many options dey wen women fit choose from to avoid and plan pregnancy, including pills, barrier methods like condoms, natural methods like withdrawal and fertility awareness, devices wen dem dey out within the uterus and contraceptives wen dem dey inject put for body .
But, some myths fit prevent women from making informed choices about contraception. Make we prove say some of them nor be true
Myth 1: Contraceptives dey 100% Successful
Some women believe say all contraceptive options dey prevent pregnancy 100 percent of the time. Even though say several of these contraceptives dey highly effective, none of dem dey 100 percent effective.
The most preferred contraceptive options, wen get the lowest failure rates, na the devices wen dem dey put within the uterus dem dey also call am IUDs.
Copper IUDs get about 99% effectiveness,na surgical procedures dey follow am for back like vasectomy, and dem get close success rates.
Injectable contraceptives get success rates of about 94%, while hormonal patches, vaginal rings, and vaginal diaphragms get 88-91% success rates.
Myth 2: Birth Control Pills fit Damage Fertility
Even though say women dey report say dia regular menstrual cycle dey return months after dem stop to use hormonal contraceptives, evidence nor dey say birth control pills get any long-term impact on fertility.
The way when most hormonal contraceptives dey work na to interrupt menstrual cycle to prevent the release of eggs (ovulation). But, after dem stop to use the pills, injections , or implants, the menstrual cycle go slowly return to normal, and ovulation go resume.
If woman nor fit get belle after e stop to use contraceptive fit suggest another cause.
Myth 3: Contraceptives dey Prevent STIs
People dey think say contraceptives dey prevent pregnancy and sexually transmitted infections (STIs), but no evidence dey to prove say e dey prevent STI. While barrier methods, like condoms, fit lower the risk of some STIs, e nor fit prevent all STIs. For instance, herpes or human papilloma virus (HPV) fit live on areas of the genitals wen nor dey covered by barrier contraceptives and fit dey transmitted during sexual intercourse.
Plus, hormonal contraceptives, including pills and implants, nor dey prevent the transmission of genital infections during intercourse.
Likewise, natural methods of contraception, like withdrawal method and breastfeeding-induced contraception, nor dey in any way lower your risk of genital infections.
Myth 4: Older Women nor Need Contraceptives
As long as woman still dey get her regular menstrual cycles and she dey ovulate, she go need contraceptives to prevent pregnancy. Until woman don reach menopause and never see period for at least 12 straight months, pregnancy
still dey possible. Even though say fertility dey generally reduce with age for both men and women, the chances of pregnancy dey still higher without contraceptives.
Myth 5: Emergency Pills na Abortion Pills
Some women believe say to use emergency contraceptive pills, wen dey also known as morning-after pills, na the same things as to do abortion. Emergency contraceptive pills na high-dose birth control pills wen dey prevent pregnancy after person get unprotected sexual intercourse.
Emergency contraceptive pills nor dey commot belle dem dey prevent am. For these pills to work dem go delay ovulation and fertilization, and dem go dey useless if these processes don already take place.
To know the facts about contraceptives dey important to make informed decisions about birth control and to avoid unnecessary health complications.
