Dealing with Occupational Burnout (Pidgin)

Occupational burnout na syndrome wen dey result from chronic work-related stress, with symptoms wen dey identified by "feelings say person energy don reduce or finish; increased mental distance from person job, or negative feelings related to person job; and reduced professional effectiveness , na so World Health Organization take define am.” 


Make we break am down, occupational burnout na group of symptoms wen dey caused by work-related stress with negative effects on health and job effectiveness . 
Na common reason for reduced productivity and e don show say e high reach 75% of employees, at least half of workers don experience burnout for one point in time. Even though say burnout Neva dey classified by the WHO as medical condition or mental disorder, e fit be reason to contact health care providers.


Wetin be some of the things wen fit indicate occupational burnout?

1. Person go dey easily irritated or impatient with co-workers, customers or clients.
2. The person go lack satisfaction from em achievements.
3. The person go get unstable sleep habits.
4. The person nor go get energy for am to dey consistently productive.
5. E go get difficulty to concentrate for work or for other places.
6. E go dey drag emself go work and wen e reach there to start the work go be trouble.
7. E go begin use food, drugs or alcohol to make emself feel better or make e nor even feel anything atol.
8. E go dey get unexplained headaches, stomach or bowel problems, or any oda physical complaints.

Some risk factors for occupational burnout?


1. Too much workload: e dey common wen mismatch dey for the work wen person fit do and the work wen dem give am to do. This one fit lead to longer work hours and more stress.
3. Dysfunctional Workplace Dynamics: Challenges with your boss for work or oda workers like bullying, no respect, hostile work environment, etc.
5. Work-life imbalance: lack of oda rewarding activities outside work. Wen work don take up most of your time come leave you with little or no time for any oda thing .
6. If you dey Work for service profession, health care: This na because these professions dey require emotional investments and dem dey more challenging over time.
7. Insufficient rewards: When workload nor dey equal to the rewards and hard work nor dey adequately rewarded, burnout na sure banker . 

How to Deal with Occupational Burnout?
* Evaluate your options: Discuss your specific concerns with your supervisor/boss. If you discuss with them e fit help bring them to light so every body go know wetin dey go on.
* Seek support: Social support na important pillar as dem don describe man as social animal. When you reach out to co-workers, friends or loved ones dia support and collabo fit help you cope. Some organisations get employees assistance programs wen fit dey explored.
* Try relaxing activity: Find time to relax e fit help you blow off steam from burnout. Some programs wen fit help with stress na yoga, meditation or Tai chi. You fit dey do dem on regular basis and e go aid relaxation and mind-body control too.
* Get some exercise: Regular physical activity go help you deal with stress well. Early morning runs, to go gym, dance aerobics, etc. all na engaging activities for exercise.
* Get some sleep. Sleep dey restore well-being and e dey help to protect your health. While burnout fit scatter your sleep patterns, e dey important to know say this na vicious cycle as less sleep go lead to more stress and more stress go lead to less sleep. Set time out to sleep and make sure say you sleep well. 

In conclusion, e dey important to note say occupational burnout dey common and to address am go lead to better workplace experience and overall health of workers in general.