"Seizure disorders in your infant (Pidgin)"
"Seizure disorders in your infant (Pidgin)"
How to stop bleeding, prevent infection and make wound heal quick .
We nor fit always avoid accidents and some of them go result end in break for the skin. Assuming say you injure yourself while you dey use kitchen knife or make e be say you fall. You put mind see how long e take for blood to stop to come out from the wound?
You know how long e take for the wound to heal? Infection show face ?
Wetin dey happen when you get wound?
Bleeding dey happen wen blood vessel get injury. and e fit result from scrapes, punctures, or cuts. Within seconds after you wound , the body go activate clotting process. This one na the thickening of the blood with the formation of a clot.
Scab go come later form on top the wound to protect the tissues and decrease the risk of infection.
E dey important because we dey carry bacteria for our skin, and we dey surrounded by bacteria and other bugs wen fit infect wound.
Even minor cut fit lead to serious infection.
The healing of the wound dey continue days, or sometimes even years, after the scab form.
You know say person fit bleed pass as e normally suppose bleed if any of the following dey present?
•Inherited bleeding disorders
•Excessive alcohol intake
• Low platelet level. Platelets na blood cells wen dey play major role for blood clotting
•Blood thinning drugs like aspirin
•Liver discase
The skin dey serve as barrier against bacteria and other bugs wen wan gain access to our bloodstream. If wound nor dey properly taken care off, e go lead to infection.
Symptoms of wound wen don dey infected na redness, pain, and swelling.
Pus fit begin come out from the wound. If the infection don pass be careful , the person fit develop fever; nausea, and chills.
Take charge of the healing process
The first thing to do after you wound na to stop the bleeding.
You fit stop am if you apply pressure to the wound for a few minutes, use soft, clean cloth.
When the bleeding don stop, run warm water over the place wen you injure for few minutes den begin look out for dirt, grass or other thing wen fit dey attached to the wound.
The skin wen dey around the cut you fit still also clean am with warm soapy water but not allow am enter the wound.
Some medical conditions dey increase the risk of wound infection. Examples na malnutrition, diabetes, problems with blood circulation, history of radiation to wound site, weak immune system.
For extra precaution and safety, you fit apply topical agent for the wound to decrease the risk of infection.
If the wound small, like say na scrapes or minor cuts, you nor need to cover am with dressing. But, if na big wound, e dey advised say make the wound dey covered with bandage for protection.
Make sure say you allow the wound and the skin wen surround am to dry before you cover am.
Monitor the way the wound take dey heal but leave the wound.
After you don clean am , apply topical agent to stop bleeding, prevent infection, and to make the wound heal fast.
Pharmacy go get over-the-counter gel wen fit do this one . Follow the pharmacist talk .
Nor begin they peel the scab or scratch the surface because that one go delay the wound-healing process and increase the risk of infection. Remember to change the dressing every time and change dirty or wet dressings.
If you dey worried about how the wound dey look, see doctor immediately! See your doctor if you notice any of the following:
• Pus or abnormal discharge from the wound
• Increased hotness and tenderness around the wound
• offensive smell
• Fever , Chills or all of a Sudden you come dey feel like say you nor well .
While e dey possible to treat some wounds yourself, but wounds dey wen e go better better make doctor attend to an. Dem include wounds wen dey deep and big , wounds wen dey heavily contaminated by soil or dirty rusty objects, and wounds wen you get from bites.
The doctor fit prescribe extra medications like tetanus injection and antibiotics. If signs of infection dey, your doctor go take samples from the site to check for bacteria.
Some serious , life-threatening infections fit result from wound wen nor dey properly taken care of, like :
• Cellulitis: scrious bacterial infection of the skin and e dey spread quick and dey cause redness, swelling, and tenderness.
• Necrotizing fasciitis: another one dey wen nor common like cellulitis and the infection dey spread quick pass the wound site. Na bacteria dey also cause am , dem dey manage am as medical emergency cos failure to act go lead to widespread infection for the blood (sepsis), and eventually, death. E dey known as the flesh-eating discase as e dey quick quick destroy the skin and the tissues.
Treatment always dey involve extensive surgery. For some cases, treatment fit involve make dem cut ( amputation) the limb commot to stop the spread of this infection.
• Ostcomyclitis: When wound nor dey properly cared for, the infection fit spread to the bones. Treatment go involve long use of antibiotics.
You dey worry ? You nor need to worry
We fit protect ourselves if we take the necessary measures to guard against infections and associated complications.
E dey possible to get additional protection if we use topical agent web fit promote faster wound healing and wen get properties to prevent infections.
Remember to seek quick medical attention if you nor they feel well or if the wound look like say e dey infected even with all the measures you take .
