CarryGoCarryGo Presented by MO

No forget to get regular Pap smear

The test wen I wan talk about so na Pap Smear them dey call am and na to check the cervix (womb area ) for anything wen no suppose dey there wen fit cause cancer of the cervix . Na something wen be like cotton bud (swab) them take they collect cells . After them collect the cells finish them go look am under microscope.

WHY THEM THEY DO THIS TEST
This HPV virus dey move from one person to another wen man and woman sleep together and play love play . The virus so go come cause swelling of the cervix and e fit lead to cancer .
The reason why them come dey do the swab test na so them go fit see the cancer or cell wen don get cancer quick quick . If them quick see am and begin treat am fast fast e go fit prevent make e for no turn to the main Cervix cancer. E go even increase the chance to take cure am . This Pap Smear test so dey save plenty people lives .

WHICH PEOPLE NEED THE PAP SMEAR TEST .
Any woman wen don reach 21 – 65 years wen don begin know man (sexual intercourse ) virgin fit still discuss with doctor to know way forward.

HOW MANY TIMES I SUPPOSE DO THE TEST
If you don do this test before and the result you get na normal na every 3 years you go dey go check am again. But, if e no normal na your doctor go tell you when you go come back come check .

WHO NO NEED THE TEST

  • If you don reach 65years and your Pap test result dey normal since you no need to take the test again .
  • If you do operation to take commot your womb you no need to do the test again .

Wetin you need know about HPV infection be say

  • more than half of women wen dey the world get HPV infection
  • Most women no dey show signs and go fit give their partner (husband,boyfriend)
  • You fit get an through penetration , anal or oral sex .

How them fit take reduce the way people take they get HPV

  • Girl wen don reach 10 to 26 years go collect HPV vaccine.
  • Use condom if you get pass one partner.